منصات و مفهوم التمويل الجماعى و فهم العلاقة بين صاحب المشروع و داعم المشروع

تلك الوسيلة هى التمويل الجماعى، و الاسم باين من عنوانه، فى التمويل الجماعى زيادة راس المال بتكون عن طريق مستثمرين و بشكل فردى كل شخص بيُسمى بالداعم، مستثمرين بتدعُم مشاريع و كل شخص بيستثمر مبلغ قليل نسبياً من المال و لكن بشكل جماعى، ممكن الاستثمار هنا لشركة واحدة يوصل لالوفات او ممكن يوصل لملايين

فى حالة التمويل الجماعى ممكن المستثمرين ميتسموش كمستثمرين، لإن فى الغالب الفلوس اللى بيدعمو بيها بتروح أحيانا كتبرعات و مش كإستثمار لأسباب قانوينة، و الفلوس اللى بتتحط من هؤلاء الداعمين كدعم للشركات او لاصحاب المشاريع بتروح على هيئة تبرعات، العائد بتاعها بيكون على هيئة هدية او كإصدار لمنتج حصرى ليهم و هكذا

التمويل الجماعى ممكن تستخدمو كوسيلة او كطريقة لإثبات جودة نشاطك او مشروعك او فكرتك للمستثمرين فى المستقبل

لنفسك

فى الكام سنة اللى فاتو، كانت الطريقة الوحيدة التى تستطيع أن تزود بها راس المال عن طريق و من خلال التمويل الجماعى هو انك تقبل تبرع مالى او دعم مالى من الداعمين و اللى بيها بالمقابل بتديلهم هدية او منتج محدود الاصدار او حصرى فقط ليهم هما. و ده بيسمى بالتمويل الجماعى الغير قائم على الاسهم و حقوق الملكية

و جمع الفلوس و الاموال عن طريق و من خلال التمويل الجماعى غير القائم على الاسهم و حقوق الملكية بيتعلق بتسويقك للفكرة و بتواصلك و تحميسك لكل الناس حواليك عن مشروعك او فكرتك و اللى تخليهم مستعدين جدا بدعمك و مبسوطين و مُتحمسين بإنهم هيكونو جزء من قصتك

و انت كداعم تبرعك او دعمك بالفلوس لشخص او لمؤسسة او لقناة يوتيوب مثلا، بتختلف تماما عن استثمارك فى شركة او مؤسسة بغرض الاستثمار و الربح من وراء تلك المؤسسة. فانت هنا فى التمويل الجماعى غالبا بيكون دعمك للشخص او للشركة بيكون فى انك انت نفسك تشوف القناة او الشركة دى مكملة و ناجحة و انك هتكون سعيد بس بمعرفة انك كنت جزء من بدايتها فى نجاحها