فن البيع للبياع العالمى فى اسس المبيعات

هناك رقم ممكن يكون غير منطقى ليك و لكن يوجد حوالى قـرب ال ثمانية مليار مندوب مبيعات عالمياً فى وقتنا هذا. مش ممكن؟ ازاى؟ احنا عددنا على الأرض حوالى ٨ مليار أصلاً!. أيوة أقصد ان احنا كلنا نعتبر مندوبين مبيعات، فلو انت شخص بتعرف تتكلم بتعرف تحاور مواضيع فانت شخص مؤثر، شخص فعال و ده اللى بيعمله اى بياع، بيتكلم علشان يقدر يأثر على الناس

الفرق اللى بين أى بياع انسان عادى و بين بياعين شغلتهم الأساسية بياعين هو انهم بيأثرو على الناس عن طريق حاجات هما فعلاً عايزينها و عن طريق فهم مشاكلهم و حلها

شخص المبيعات الشاطر و اللى بيعمل كل حاجة بحساب و بطريقة معينة هو شخص عنده أساس و فى البيع لو معندكش أساسيات المبيعات هتبقى زيك زى باقى الناس، شخص عادى

لنفسك

معظم الناس اللى شغلتهم البيع بيصحو كل يوم و مصاحبهم، الخوف من الرفض، الخوف من الفشل، الخوف من عدم تحقيق الهدف-التارجت. هل الخوف ده هو اللى بيوصل و يدفع لعدم التركيز من وجوده و ان العقلية اللى مصاحبها الخوف دلوقتى بتتسبب فى عواقب غير مقصودة لعدم الثقة فبيؤدى ان ميكونش فيه اتصال بينك و بين العملاء

الوظيفة رقم واحد لأى مهنة بيع هى من الآخر حل مشاكل العملاء. و أنجح مندوبين مبيعات أو بياعين و بشكل فردى عندهم العقلية الخدومة، المشاركة، الحلالة

احنا عارفين ان الناس بتشترى من ناس بتثق فيهم. و ان الناس بتثق فى الناس اللى بتحس بأُلفة معاهم. و إن الناس بتحب الناس اللى بيتواصلو معاهم. لذلك لاتعرض عرض الشركة أو تعرض لبروفايل الشركة و خدماتها بدرى عن استخدامك لعقلية الخدمة و المشاركة و الحل، لإن غير كدة فانت مش هتعدى مرحلة الثقة اللى ممكن تكتسبها من عقلية العميل بل بالعكس انت هتاخده فى الحقيقة لمكان كله شك و عدم ثقة