الدخل السلبي ما هو و ما الفرق بينه و بين الدخل النشط

 هنعرف مع بعض يعنى ايه دخل نشط و هنجيب أمثلة عن الدخل النشط. و هنعرف يعنى ايه دخل سلبى و هنجيب أمثلة باردو عن الدخل السلبى. و هنشرح سوا ليه مهم انك تعرف الفرق بين الدخل السلبى مقابل الدخل النشط

الدخل النشط هو الفلوس اللى بتكسبها من خلال مشاركتك النشطة في العمل فى الشغل ، سواء كنت بتتقاضى و بتاخد مرتب بالشهر او راتب بالساعة ، الدخل النشط بيشمل كونك موظف أو تمتلك شركتك، عملك الخاص، أو لو كان دخلك و مكسبك عمولات أو إكراميات على جهد معين اتعمل، وما إلى ذلك

الدخل السلبي ، من ناحية تانية ، هو عادة المال (الفلوس) اللى بتكسبهم من غير مشاركة نشطة أو جهد كبير منك. من الأمثلة على ده مثلاً الفلوس اللى ممكن تجيلك عن تأجيرك لعقار بتملكه و ما يشابه الموضوع ده

و من المهم معرفة الفرق بين الاثنين لأسباب كتيرة، مع العلم ان مصلحة الضرائب بتتعامل مع الدخل النشط والسلبي بشكل مختلف. لكن فى الحقيقة الاتنين خاضعين للضريبة، ولكن بطرق مختلفة، علشان كدة مهم نصنف كل واحدة فيهم بشكل صحيح