إيمانك بالمال السهل و بالحظ و بان مفيش حاجة اسمها تعب و شقى علشان تبقى غنى هو ده بالظبط اللى بيوقعك فى كوارث زى الضحك عليك من شركات بتوعدك بالحرية المالية و الثراء فى يوم و ليلة و لكنهم مبيعملوش ده خالص فى الاخر، أو زى وقوعك فى القمار و اللى مهما شوفت و عرفت حد محظوظ و كسب من القمار هتلاقى تاريخه خسارة أكتر من منها مكسب
أو باردو زى وقوعك فى ايدين التسويق الشبكى سواء بمنتج او من غير منتج فانت حتى لو كونك محظوظ بانك تكون من الأوائل فى دخول التسويق ده، فهتجيب فعلا فلوس من غيرك بسرعة و لكن فى الآخر مش عمل مستدام و اسأل مجرب
لو متعرفش الفلوس بتشتغل ازاى، عمرك ما هتعرف تشّغل فلوس لنفسك
Lenafsak
أسوأ عادة تصدك عن الوصول الى الحرية المالية، هو عدم تثقيفك المالى و جهلك و انك متتعلمش أى شئ عن المال
ده انت لو مبتعرفش تسوق مش هيطلعولك رخصة، لإنه مينفش يطلعولك رخصة قيادة و انت مبتعرفش تسوق و لا تعرف الأساسيات فى ركوبك عربية أو موتوسيكل، أهو ده بالظبط نفس الشئ بينطبق عالفلوس
لو كنت عايز تبقى بجد غنى، فثقف نفسك و معلوماتك و اعرف العالم حواليك ماشى ازاى لإنك لو فضلت على اعتقادك بان المسألة هى حظ و مش جهد و عمل و معرفة فالسلام عليكم
Add comment